Kubwayo Mc croix
Nyuma y’igihe bari bazwi nk’abakundana ku mbuga nkoranyambaga, abakinnyi ba filime Captain Regis na Micky batandukanye mu buryo bwavuyemo intambara y’amagambo. Captain Regis yatangaje ko yatandukanye na Micky bari bamaranye amezi atandatu, amushinja kumuca inyuma. Yavuze ko yamufashe aryamanye n’undi musore mu Gatenga, ari nabyo byatumye urukundo rwabo ruhagarara.
Mu kiganiro Micky yagiranye na MIE kuri YouTube, yavuze mu magambo arimo amarira ko icyatumye bacana umubano ari uko Regis yamenye ko afite umwana, ibintu bikamuhindura. Yavuze kandi ko nta muntu uri “kamara” mu buzima bwe.
Ibi byose byakomeje kuba intandaro y’amagambo akomeye hagati yabo, aho Regis yaje gusangiza abamukurikira amafoto y’umusore ashinja Micky kuryamana na we, avuga ko atazongera gukunda. Ku rundi ruhande, inshuti zabo nka Titi Brown na Nyambo babasabye gutandukana mu mahoro, bakirinda kwiteza rubanda.
