HARAGIRIMANA Dieudonne
Abakinnyi b’inkingi za mwamba mu ikipe ya Real Madrid bamenyerewe ku gatazirano ka BBC aribo Gareth Bale, Karim Benzema na Cristiano Ronaldo bakoze inama simusiga yo kureba ukuntu bafasha ubuyobozi bw’ikipe ya Real Madrid gushaka uko bongera umusaruro wa ba rutahizamu mu ikipe ya Real Madrid nyuma yo kubura Alvaro Morata na James Rodriguez bajyaga babafasha gushaka ibitego mu gihe ikipe yabaga iri mu bihe bibi.
Amakuru dukesha ikinyamakuru AS yo mu gihugu cya Espagne aravuga ko aba basore bombi bemeranyijwe ko ikipe ya Real Madrid igomba gushaka byihuse rutahizamu w’umufarana Kylian Mbappe kugirango aze gutanga ubufasha mu busatirizi kabone nubwo byagira umwe muribo bigiraho ingaruka ariko ikipe igere ku nzozi zayo zo gutwara igikombe cya Uefa Champions League inshuro 3 zikurikiranye nkuko babyiyemeje bakimara gutwara iya kabiri batsinze ikipe ya Juventus.
