Icyamamare Kyle Jacobs wari umugabo wa Kellie Pickler yitabye Imana

Polisi yo mu mujyi wa Nashville muri Leta Zunze Ubumwe za  America yemeje urupfu rwa Kyle Jacobs wari umugabo w’umuhanzikazi ,akaba umwanditsi w’indirimbo Kellie Pickler  wapfuye yiyahuriye mu  ku masikariye ajya mu cyumba cye .

Inkuru dukesha ikinyamakuru Tmz ivuga ko Kellie umufasha wa Jacobs yaryamye akanya gato nyuma akaza kubyuka ariko yashaka umugabo we mu nzu akamubura nyuma akaza gusanga yirasiye ku masikariye ajya mu cyumba .

Polisi ya Nashville yavuze ko yagiye gutabara nyuma yo kwitaba telefone  yo mu rugo rwa Jacobs ku mugoroba wo kuwa gatanu  babwirwa ko Jacobs yapfuye yirashe.

Kellie na Kyle bashakanye mu mwaka wa 2011  , nyuma mu mwaka wa 2015 baje guhurira  muri filime y’uruhererekane yitwa “I love Kellie Pickler”  , Kyle yagiye anandika indirimbo nyinshi ziri mu bwoko  bwa country music.