Ibyo gutandukana cyangwa kugumana kw’abagize itsinda rya Urban Boyz bigiye gushyirwa ahagaragara

Abasore batatu bagize itsinda rya Urban Boyz ni bamwe mu byamamare birimo kuvugwa cyane magingo aya bitewe n’amagambo aherutse gutangazwa mu minsi iri imbere ko aba basore bagize iri tsinda baba bagiye gutandukana maze itsinda rya Urban Boyz rikaba amateka. Ibi ni bimwe mu bikomeje kugenda bivugwa n’abantu batandukanye bakurikiranira hafi iri tsinda ndetse bamwe banahamya ibi bahereye ku byagaragaye ku munsi w’ejo ubwo Safi Madiba, umwe mu basore bagize itsinda rya Urban Boyz yagaragaraga ari mu gihugu cya Uganda ari kumwe n’umuhanzi Meddy bivugwa ko bagiye gusohora amashusho y’indirimbo yabo bazakorerwa na Director Sashavybz. Nyuma y’ibi byose n’ibindi bitandukanye bivugwa, Humble Jizzo akaba n’umuyobozi w’itsinda rya Urban Boyz mu masaha ashize amaze gusohora itangazo rigenewe itangazamakuru ry’umunsi nyawo bazacoceraho ibibazo byose bivugwa muri iri tsinda bakabisobanura neza. Ibi byanyuze abafana n’abakunzi b’itsinda rya Urban Boyz ndetse n’abakunzi b’umuziki nyarwanda muri rusange. Iri tangazo rikaba ahanini rimenyesha inama izaba tariki ya 10 Ugushyinga guhera i saa cyenda z’umugoroba muri Olympic Hotel akaba ari naho biteganyijwe ko hazashyirwa hanze ibijyanye no gutandukana cyangwa se kugumana kw’abagize itsinda rya Urban Boyz.

Mbashimire mwese abakunzi bitsinda ryacyu mbonereho nokubajyezaho ibaruwa ikubiyemo ubutumire bujyenewe abanyamakuru.@urbanboyz_rwanda @safimadiba_urbanboys @nizzomuhamed01

A post shared by humble jizzo (@humble_jizzo_urbanboys) on Oct 31, 2017 at 4:55am PDT