Ibyavuzwe bibaye impamo, Lionel Messi agiye kujya gukina mu bwongereza(Impamvu)

Ku munsi wejo nibwo mu gihugu cya Espagne bakoze amatora ya kamarampaka(Referendum) yagombaga kwemeza niba intara ya Catalunya iba igihugu kigenga ukwacyo cyangwa iguma kuba intara y’igihugu cya Espagne. Aya matora ya kamarampaka nkuko ibyavuyemo mu ibarura ry’amajwi ku buryo bwagateganyo bubitangaza bikaba bivugwa ko 90% batoye yuko intara ya Catalunya yakwiyomora ku gihugu cya Espagne ikaba igihugu ukwacyo, bikaba bisigaye yuko hemezwa amajwi ya nyayo kuburyo iki cyemezo gishyirwa mu bikorwa. Umuyobozi wa Sport mu ntara ya Catalunya Ignasi Oliva Gispert akaba yaravuze ko ibi nibimara gushyirwa mu bikorwa, ikipe ya Fc Barcelona izahita isaba uburenganzira bwo kwerekeza muri Champiyona y’igihugu cy’ubwongereza English Premier League.

Aya matora akimara gutangazwa ku buryo bw’agateganyo, nkuko tubikesha ikinyamakuru Marca, uyu mugabo akaba yahise atangariza itangazamakuru ko ibyari inzozi kuri sport ya Catalunya bibaye impamo ko igikurikiye ari ugutanga ubusabe muri FA kugirango ikipe ya Fc Barcelona ihite iza mu gihugu cy’ubwongereza. ibi bikaba byaba bibaye amahire ku bifuzaga kubona rutahizamu w’ikipe Fc Barcelona Lionel Messi akina muri Champiyona ya mbere ikunzwe na benshi mu bakunda ruhago ku isi.