Ibyari byaragizwe ibanga rikomeye hagati ya Marina na Bad Rama byagiye hanze

Ibyari byaragizwe ibanga rikomeye hagati ya Marina na Bad Rama byagiye hanze.

Marina warebererwaga inyungu na The Mane ikuriwe na Bad Rama byaje kumenyejana ko amasezerano y’imikoranire hagati yabo bari bafitenye yashyizweho akadomo ariko bigakorwa mu ibanga rikomeye.

Bad Rama yamenyesheje Marina ko abona imikoranire yabo igoye, ibiganiro byanzura ko nubwo bafitanye amasezerano ariko The Mane Music igiye kubohora uyu muhanzikazi agakora umuziki ku giti cye akirwariza ntacyo abaza cyangwa abazwa n’iyi sosiyete.

Ikindi cyemezo cyavuye mu nama Marina yakoranye na Bad Rama ni uko uku gutandukana kutagombaga kujya mu itangazamakuru kuko byashoboraga kwangiza isura kuri buri ruhande, cyane ko batinyaga ko Marina yavuga ko yasezeye muri The Mane Music cyangwa ko yirukanywe.

Ibi bivumbuwe nyuma yuko Marina yari amaze igihe ajya mu bikorwa bitandukanye atari kumwe n’abareberera inyungu ze, ikindi kandi ni uko mu ndirimbo nshya aherutse gusohora yitwa Vanilla nta hanu na hamwe hagaragara ikirango na kimwe na The Mane nk’uko byari bisanzwe mu ndirimbo ze.