Epaphrodite Nsengimana
Nyuma y’uko Kimenyi Yves, umunyezamu wa AS Kigali agize imvune ikomeye, yatewe n’ikosa yakorewe n’umunya-Ghana Peter Agblevor, ubukwe bwe n’umugore we Miss Uwase Muyango ntibukibaye.
Ubwo yavunikaga, Kimenyi Yves yahise ajyanywa ku bitaro bya Ruhengeri basanga yavunitse igufwa ryatandukanye none agiye kubagwa.
Peter Agblevor we yahawe ikarita itukura, umukino urangira Musanze FC itsinze AS Kigali igitego 1-0.
Byari biteganyijwe ko Kimenyi Yves na Muyango bari gusezerana imbere y’amategeko(mu murenge) kuri uyu wa Mbere tariki 30 Ukwakira 2023, none ubu bukwe ntibukibaye kuko Kimenyi aryamye mu bitaro.
