THIERRY Mugiraneza
Mu murwa mukuru wa Ghana, Accra habereye umuhango wo kuzirikana ubuzima n’ibikorwa by’ubutwari bayaranze Christian Atsu wahitanywe n’umutingito karahabutaka wibasiye igihugu cya Turkey.
Nta gihe kinini gishize amakuru amenyekanye ko Christian Atsu yitabye Imana nyuma y’igihe kingana hafi n’ibyumweru bibiri ashakishwa mu nkutu z’inzu.
Christian Atsu yari umukinnyi w’umupira w’amaguru w’imyaka 31 y’amavuko akaba yarakiniye amakipe atandukanye i Burayi arimo FC Porto, Newcastle United, AFC Bournemouth na Chelsea’s. Atsu yaje kwerekeza mu gihugu cya Turkey akinira Ikipe ya Hatayspor arinaho umutingito wabaye ku itariki 6 Gashyantare , wamutuyeho inyubako akitaba Imana.
Nyuma y’ibikorwa byo kumushakisha , ku itariki 18 Gashyantare umubiri wa Atsu warabonetse, ku itariki 19 ugezwa muri Ghana.
Kuri ubu mu murwa mukuru Accra hari kubera ibikorwa bibanziriza ishyungurwa rye rizaba ku itariki 17 Werurwe.
AMAFOTO:
