Huye: Habereye impanuka iteye ubwoba yahitanye uruhinja rw’imyaka 2 rwari kumwe na nyina bavuye gushyingura

Mu karere ka Huye mu murenge wa Ngoma mu kagari ka Ngoma mu mudugudu wa Ngoma habereye impanuka y’imodoka yahitanye umwana w’imyaka ibiri wari kumwe na nyina umubyara bavuye gushyingura inshuti y’umuryango wabo.

Imodoka barimo no iyo mu bwoko bwa Toyota Corolla yari ifite pulake ya RAE 613H yari itwawe n’umushoferi w’umugore, yavaga mu Matyazo yerekeza mu mujyi wa Huye.

Umuvugizi wa Polisi mu ntara y’Amajyepfo SP Emmanuel HABIYAREMYE yemeje iby’iyi mpanuka aho yagize ati “Uwo Mukantabana yari kumwe n’umwana we, witwa Ishimwe w’imyaka ibiri abasanze mu kayira kabo k’abanyamaguru maze uwo mwana arakomereka bikomeye ajyanwa ku bitaro bya CHUB agwayo.”

Polisi yatangaje ko iyo mpanuka yatewe n’uriya mushoferi utayoboye neza. Umwana w’imyaka 2 yahise apfa naho nyina akomereka byoroheje akaba ari kwitabwaho mu bitaro bya CHUB.

Abo mu muryango w’abakoze impanuka bakomoka i Nyarugururu batangaje ko iriya mpanuka yabaye bavuye gushyingura inshuti y’umuryango.

Polisi yataye muri yombi umushoferi hakaba hategerejwe ko hakorwa dosiye ngo ishyikirizwe Ubushinjacyaha.