Humble Jizzo yavuze ku itandukana rya Urban Boyz

Humble Jizzo, umwe mu basore batatu bagize itsinda rya Urban Boyz rimaze igihe ririmo kuvugwaho ko ryenda gutandukana bitewe n’umwuka mubi urimo kuvugwa hagati ya Nizzo na Safi (bagenzi ba Humble Jizzo). Ku munsi w’ejo, Humble Jizzo yatangaje ko abagize iri tsinda nta gahunda yo gutandukana bafite ngo kuko ibibazo bafitanye bazagerageza kubikemura bo ubwabo kuko ni byinshi bikemuriye ubwabo ndetse bikaba byarakemutse neza.

Ni mu kiganiro Humble Jizzo yagiranye na Radio Rwanda mu kiganiro Samedi detente aho yahamirije abanyamakuru ko nta gahunda yo gutandukana kwa Urban Boyz ihari nubwo bivugwa ko mu minsi iri imbere Humble Jizzo agiye kwerekeza muri leta zunze ubumwe za Amerika ndese na Safi Madiba ubu akaba yaramaze kwerekeza muri Zanzibar mu kwezi kwa buki. Yongeyeho ko uku kuba batatanye atariko kuzatuma ibikorwa byabo bihagarara anahamya ko ibibazo bivugwa mu itsinda rya Urban Boyz bazagerageza kubyikemurira bo ubwabo.