HARAGIRIMANA Dieudonne
Rutahizamu ukomoka mu gihugu cya DRC, Heritier Luvumbu Nzinga yongeye gushima cyane imikinire ya Rafael Osaluwe wari umaze igihe afite ikibazo k’imvune yagize ubwo ikipe ya Rayon Sports yanganyaga na Kiyovu Sports muri iyi mikino yo kwishyura.
Uyu mukinnyi ntabwo kugeza ubu benshi baremera ko yagarutse mu gihe kirambye bitewe ni uko akunze kugaruka avuye mu mvune ariko yakina umukino umwe cyangwa 2 agahita yongera akavunika igihe kinini ariko iyo ameze neza ubonako ikipe ya Rayon Sports iba ifite umutekano mu kibuga hagati cyane.
Iyi mikinire myiza Rafael Osaluwe Olise agaragaza, yongeye gushimwa cyane na Hertier Luvumbu Nzinga bitewe ni uko yamufashije cyane ubwo ikipe ya Rayon Sports yatsindaga Bugesera FC ibitego 2-0 bigatuma ikomeza ku guhanganira igikombe na APR FC hamwe na Kiyovu Sports.
Ibi byagaragaye mu muri uyu mukino wabaye ku munsi wejo hashize tariki ya 16 Mata 2023, ubwo Rafael Osaluwe yakoraga akantu keza mu kibuga Luvumbu akamukomera amashyi ubona ko yamwishimiye nubwo bose bari bari mu kibuga.
