Heritier Luvumbu yatangariye ubuhanga budasanzwe bw’umukinnyi wa APR FC ahishura ikintu arusha abakinnyi ba Rayon Sports

Heritier Luvumbu Nzinga yemeje ko Ruboneka Jean Bosco ari umukinnyi w’umuhanga ku buryo ari mu beza bari muri shampiyona y’Icyiciro cya Mbere mu Rwanda.

Ejo ku Cyumweru tariki 12 Gashyantare 2023, ikipe ya Rayon Sports yongeye gutsinda APR FC igitego kimwe ku busa, nyuma y’imyaka ikabakaba ine batazi uko gutsinda Ikipe y’Ingabo z’Igihugu bimera.

Ubwo umukino wari urangiye, Heritier Luvumbu Nzinga ageze mu rwambariro yabajije umukinnyi wa APR FC wambara nimero 27 uko yitwa maze bamubwira ko yitwa Ruboneka Jean Bosco, ahita yemeza ko ari umukinnyi ufite impano idasanzwe.

Gutsinda uyu mukino kwa Rayon Sports bivuze ko isoje umunsi wa 19 ari iya 4 n’amanota 36 inganya na Gasogi United ya 3 na AS Kigali ya 2 mu gihe APR FC ikiyoboye urutonde n’amanota 37.