Minisiteri y’Ubucuruzi n’Inganda, MINICOM, yashyizeho ibiciro bishya by’amata ku borozi bisimbura ibyari bisanzwe, aho umworozi uzajya ajyana ku ikusanyirizo Litiro imwe azajya yishyurwa amafaranga 400 Frw aho kuba 300 Frw yari asanzwe, umuturage uyaguze ku ikusanyirizo we akazajya yishyura 432 Frw.
Ibi biciro bishya byatangajwe kuri uyu wa Kabiri tariki ya 9 Nyakanga 2024, bitangazwa na Minisiteri y’Ubucuruzi n’Inganda, mu itangazo yanyujije ku mbuga nkoranyambaga.
Itangazo rigira riti “ Igiciro ntagibwa munsi gihabwa umworozi ugejeje amata ku ikusanyirizo ni 400 Frw. Igiciro cy’amata ku ikusanyirizo ni 432 Frw kuri litiro. Ikiguzi cy’ubwikorezi ku mata agemuwe ku nganda, aborozi cyangwa abacuruzi hakomeza gukurikizwa imikoranire bari basanganwe.”
Inzego zibishinzwe zasabwe gukurikirana ishyirwa mu bikorwa ry’ibikubiye iri tangazo. Aborozi basanzwe bafite abaguzi babahera ku giciro kiri hejuru babwiwe ko iri tangazo ritabareba.
Andi makuru meza, umuntu wese ufite imbuga nkoranyambaga ushaka kuzikoresha zikamwinjiriza amafaranga atubutse. Kanda kuri iyo link wiyandikishe: https://share.clickrwanda.com/advert/544665ab-6f98-4e08-88ad-2677b36614b0?ref=agent_133
![](https://yegob.rw/wp-content/uploads/2024/07/PSX203f023.jpg)