THIERRY Mugiraneza
Niyonzima Haruna, umukinnyi w’umunyarwanda ukinira ikipe ya Al Ta’awon muri shampiyona y’ikiciro cya Mbere muri Libya , yatangiye kwegukana ibihembo.
Haruna Niyonzima werekeje muri Libya mu kwezi kwa Mbere uyu mwaka avuye mu ikipe ya AS Kigali. Kuri ubu Haruna yatangiye kwitwara neza mu ikipe ye nshya dore ko yatangiye no gutwara ibihembo.
Ku mukino ikipe ye ya Al Ta’awon yanganyijemo na Al Akhdar ibitego bibiri kuri bibiri kuwa Gatandatu , Haruna Niyonzima niwe wabaye umukinnyi mwiza w’umukino ( Man of the match).
Kugeza ubu Al Ta’awon , Haruna akinira ni iya 8 ku rutonde rw’agateganyo rwa shampiyona ikaba ifite amanota 13 mu mikino 13 mu itsinda A rigizwe n’amakipe 10.
