Harmonize indirimbo zose ari gukora ameze nkuri ku gosorera mu rucaca, ese Diamond yaba abifitemo uruhare? -Shira amatsiko

Umuhanzi Harmonize uri mu bahanzi bahagaze neza muri Africa y’uburasirazuba, yatunguye abantu nyuma y’uko avuze ko ibihamgano bye nta n’urumiya biramwinjiriza nyamara byarakunzwe na benshi.

Uyu muhanzi uzwiho gukunda gukora amakuru atuma ahora mu itangazamakuru, yavuze ko atazi ubiri inyuma, agatwara amafaranga yinjizwa n’imbuga nkoranyambaga ze kuko ayo mafaranga atajya amugeraho.

Harimonize yitabaje Kompanyi nshya ya Mziiki barimo gukorana, ayisaba gukurikirana iki kibazo, ikamenya uwaba abyihishe inyuma ndetse akamenya uko yagaruza ako kayabo.

Uyu muhanzi kandi yatumye benshi batunga urutoki WCB Wasafi ya Diamond Platnumz ubwo yavugaga ko n’indirimbo “Kwangwaru” yakoranye na Diamond Platnumz, nta n’igiceri cyayo yakiriye bituma benshi batekereza ko byaba byarakozwe n’iyi nzu yarebereraga inyungu ze cyane ko imbuga nkoranyambaga ze ariyo yari izifite mu biganza, yewe ko byashoboka ko umutungo wazo waba ukigira muri WCB Wasafi n’ubwo bitumvikana kuko yishyuye miliyoni 800 Tz’s kugirango atandukane nayo.

Icyakora Harmonize yavuze ko atari ikibazo yisangije kuko na Rayvanny ntacyo yigeze abona ku ndirimbo “Tetema” yakoranye na Diamond Platnumz ikiba yarabaye kimenyabose.