Haringingo Francis yacecekeshejwe bikomeye nyuma yo kutumva ibintu arimo gukorerwa bishobora gutuma yirukanwa na Rayon Sports

Umutoza w’ikipe ya Rayon Sports Haringingo Francis, wamaze gutsindwa n’ikipe ya Police FC umujinya akawutura FERWAFA ntabwo ibyo yavugaga ariko bimeze.

Tariki ya 1 Mata 2023, ikipe ya Rayon Sports yanyagiwe ibitego 4-2 n’ikipe ya Police FC nyuma y’igihe kinini iyi kipe ya Police itabasha kubona intsinzi imbere y’ikipe ya Rayon Sports.

Nyuma y’uyu mukino Haringingo Francis utoza ikipe ya Rayon Sports yatuye umubabaro FERWAFA avuga ko abakinnyi barimo Onana ndetse na Ganijuru Ellie bari bakwiye gukina uyu mukino ariko FERWAFA itagaza ko batazawukina kubera amakarita y’umuhondo 3 bujuje.

Icyateye uyu mutoza kuvuga gutya ni uko umukino aba bakinnyi bari busibe ari uwa Rwamagana City ariko kubera kuwusubika yemeza ko ari wo bari busibe uyu wa Police FC bakawukina ubwo bazakina na Rwamagana City akaba ari bwo bazasiba ariko siko bimeze.

Itegeko uko rimeze rivuga ko abakinnyi babujijwe gusiba umukino iyo uwo mukino usubitswe ntabwo biba bivuze ko uwuzakurikiraho bazawukina, uwo mukino niwo basiba nubwo undi uba wasubitswe.

Ibi uyu mutoza amaze kubitangaza benshi bavuze ko ari byo yitwaza kandi mu kibuga wabonaga ko arimo kurushwa cyane nubwo ari we wahabwaga amahirwe umukino utaraba.