Hari gukusanywa miliyoni 50 kugira ngo umubiri w’umuhanzi nyarwanda uherutse gupfira muri Canada ugezweho i Kigali

Hari gukusanywa miliyoni 50 kugira ngo umubiri w’umuhanzi nyarwanda uherutse gupfira muri Canada ugezweho i Kigali.

Hatangiye gukusanywa arenga miliyoni 50 Frw yo gufata mu mugongo umuryango w’umuhanzi w’Umunyarwanda Kagahe Ngabo Calvin wamenyekanye nka Young CK uherutse kwitaba Imana.

Aya mafaranga yo gufata mu mugongo umuryango wa Nyakwigendera ari gukusanywa hifashishijwe urubuga rwa Gofundme. Nyuma y’umunsi umwe gusa hatangiye iki gikorwa, hari hamaze guteranywa hafi miliyoni 12Frw yatanzwe n’abagera kuri 220.

Aya mafaranga ari gukusanywa mu rwego rwo kugira ngo umubiri wa nyakwigendera uzabashe kugezwa mu Rwanda cyane ko umubyeyi we yifuje ko umwana we yashyingurwa ku butaka bwamwibarutse.

Uretse kubasha kugeza umubiri wa nyakwigendera mu Rwanda, aya ni amafaranga azanafasha mu muhango wo kumuherekeza mu cyubahiro.

Young CK yitabye Imana mu ijoro ryo ku wa 17 Nzeri 2023 aguye mu Mujyi wa Ottawa aho nubundi yari asanzwe atuye.