Philcollens
Niwe wabigizemo uruhare burya yari afite agahinda! Hamenyekanye impamvu ikomeye itandukanye niyo benshi bavugaga yatumye umutoza Yamen Zelfani yemera gutandukana na Rayon Sports bumvikanye
Ku munsi wejo hashize tariki ya 8 Ukwakira 2023, ikipe ya Rayon Sports yatandukanye n’umutoza Yamen Zelfani ukomoka mu gihugu cya Tunisia kubera umusaruro mucye ariko ntabwo iki ari cyo cyatumye asezera kuri izi nshingano.
Uyu mutoza yari amaze imikino 4 ya Shampiyona abonye intsinzi imwe gusa ubwo Rayon Sports yatsindaga Gasogi United ibitego 2-1 ariko nyuma yaho yanganyije n’ikipe ya Amagaju FC igitego 1-1, anganya na Gorilla FC 0-0 ndetse anganya na Marine FC ibitego 2-2. Uyu mutoza Kandi yanasezerewe muri CAF Confederations Cup n’ikipe ya Al Hilal Benghazi.
Inandaro yo kwirukanwa kwe yabaye ku munsi wo kuwa gatandatu ubwo iyi kipe yarangizaga gukina na Marine FC umukino ukarangira ari ibitego 2-2. Nyuma y’umukino abafana ndetse n’abakinnyi bamushinjije kwica ikipe agasimbuza nabi bigatuma batsindwa. Uyu mutoza yaje gutukana n’abafana ndetse abapolice nibo bahabaye bamujyana mu rwambariro byakomeye.
Nyuma y’amasaha macye, yahise akorana inama n’ubuyobozi bwa Rayon Sports asaba ko batandukana kuko ngo niba bigeze aho abafana bamutuka ntacyo yaba agikora muri iyi kipe. Ubuyobozi ntabwo bemeranyije ko batandukana kuko ngo n’umusaruro bari bamwitezeho ntabwo bawubonye. Biteganyijwe kuri uyu wa mbere ari bwo barabarana bakumvikana ibyo bamuha kugirango batandukane neza.
