Hamenyekanye igikorwa cy’indashyikirwa cyahurije hamwe abagore b’uburanga bibitseho agatubutse mu Rwanda _ AMAFOTO

Itsinda ry’abagore bishyize hamwe ‘Kigali Boss Babes’ bagiye gutangira gukora ibiganiro bica kuri televiziyo bivuga ku buzima bwite bwabo bizwi nka ‘Reality TV Show.’

Uyu ni umwe mu mushinga wa mbere ushobora kushyirwa mu bikorwa nyuma y’uko aba bagore bishyize hamwe.

Amakuru agera kuri Yegob.rw ni uko aba bagore bazatangiri gukora ibiganiro ku buzima bwabo bwite [Reality TV Show] ndetse n’ uzafata amashusho y’ibyo biganiro yamaze kumvikana nabo.

Ajalaja Stanley ni uzajya atunganya ibi biganiro dore ko we asanzwe ari umuhanga mu gutegura no gutunganya sinema akaba akomoka muri Nigeria.

Uyu umaza iminsi i Kigali aho yari yitabiriye itangwa ry’ibihembo by’abakinnyi ba Filime, yasubiye iwabo amaze kumvikana n’abo bagore.

Biteganyijwe ko guhera muri Kamena 2023, Ajalaja azaba ari i Kigali aho azaba ari gufata amashusho y’ibiganiro bya mbere.