Moïse Habanabashaka
Hadaciye kabiri Element asezeye muri Country Record atangiye gutegwa iminsi na bimwe mu byamamare, bavuga ko hit ye itazaramba.
Fred Robinson Mugisha wamamaye nka Element mu bijyanye no gutunganya imiziki(Producer) yatezwe iminsi bikomeye hashimangirwa ko hit afite itazaramba.
Ibi byavuzwe kubera igikorwa yakoze cyo kuva muri Country Record yamufashije kuzamuka ubundi akajya muri Label imwe na Bruce Melodie yitwa 1:55am ikaba iyoborwa na Coach GaelGari nawe ureberera inyungu ze.
Ibi byazamuwe n’umwe mu banyarwanda bazwi cyane ku mbuga nkoranyambaga witwa The cat, abinyujije kuri Twitter ye yateze iminsi Element avuga ko akoze igikorwa kitari kiza cyo kuva muri Country Record yamuzamuye.
Ndetse yakomeje avuga ko mu gihe azaba avuye muri Country Record izina Element azahita aryibagirwa.
Bamwe mu babibonye bagize icyo babivugaho.
