Gusoma Bibiliya neza: Inzira yo Kurwanya ihohoterwa mu miryango

Rev Dr Nagaju Muke, umuyobozi w’Umuryango The Circle of Concerned African Women Theologians mu Rwanda, yatangaje ko gusoma Bibiliya nabi bishobora guteza ihohoterwa mu miryango.

Yavuze ko abanyarwanda bakwiye gusobanukirwa neza ibikubiye muri Bibiliya, aho abantu bamwe batitaye ku muco n’igihe yandikiwe, bakaba bashobora kuyikoresha nabi. Yasabye abanyamadini guhugura abayoboke babo, kuko bashobora kugira uruhare rukomeye mu guhangana n’ihohoterwa.

Amahoro Marie Louise na Bahunde Ernest bo mu Itorero EAR Ndera, bagarutse ku kubaka ubwumvikane mu miryango no gushyira imbaraga mu nyigisho zo gukumira ihohoterwa rishingiye ku gitsina.