Gakenke; Umupfumu yazirikiye ku kiraro uwari uje kwivuza imyuka mibi yenda kuhasiga ubuzima

Ni umusore ukomoka mu Mujyi wa Kigali, bamusanze ahambiriye ku kiraro, n’iminyururu ndetse n’ingufuri ku buryo n’amaboko ye yari yaratangiye kwangirika kubera uburyo bari baramukanyagiye ku kiraro kiri mu rugo rw’uyu muturage bivugwa ko ari umuvuzi gakondo (umupfumu).

Si uyu gusa kuko na none kandi muri urwo rugo hari harimo umukecuru witwa Soline Mukamusoni ufite imyaka 60 y’amavuko we waje aturuka mu Murenge wa Muyongwe mu Karere ka Gakenke nawe bivugwa ko yari yaje kwivuza.

Uyu musore Emmanuel Uwimpuwe w’imyaka 26 y’amavuko ndetse n’uyu mukecuru bari bagiye kugira ngo bivuze amarozi gusa ariko uyu muganga yahise atabwa muri yombi.