THIERRY Mugiraneza
Ishyirahamwe ry’Umupira w’Amaguru mu Rwanda FERWAFA, ryatangaje ko Umudage Torsten Frank Spittler ko ari we wagizwe umutoza mushya w’Ikipe y’Igihugu y’u Rwanda ‘Amavubi’, aho agomba gutangirira akazi ke mu mikino yo gushaka itike y’Igikombe cy’Isi cya 2026.
Muri Kanama 2023, ni bwo uwari Umutoza w’Ikipe y’u Rwanda y’Umupira w’Amaguru, Carlos Ferrer yasezeye ku mirimo ajya gutoza ikipe y’Igihugu ya Belarus.
FERWAFA inyuze ku mbuga nkoranyambaga zayo yatangaje ko Torsten Frank w’imyaka 61, umaze imyaka 30 mu kazi k’ubutoza yabaye umutoza wungirije w’Ikipe y’Igihugu y’u Budage y’Abatarengeje imyaka 16,ko ariwe ugiye gutoza Amavubi.
