Kubwayo Mc croix
Ferran Torres wari waje asimbura mu gice cya kabiri, yatsinze ibitego bibiri bifasha FC Barcelona gutsinda Borussia Dortmund no kuzamuka ku mwanya wa kabiri mu itsinda rya UEFA Champions League.
Mu gice cya kabiri cyaranzwe no gusatirana gukomeye, Raphinha yafunguye amazamu ku mupira yahawe inyuma, atera ishoti rikomeye mu nguni y’iburyo. Gusa Dortmund yaje guhabwa penaliti nyuma y’uko Pau Cubarsi asunitse umusore Serhou Guirassy mu rubuga rw’amahina. Guirassy yinjije neza penaliti, atsindira Dortmund igitego cyo kunganya.
Nyuma, Ferran Torres yatsinze igitego cya kabiri cya Barcelona, anyeganyeza inshundura nyuma y’uko umunyezamu Gregor Kobel yari amaze gukuramo ishoti rya Fermin Lopez. Guirassy yongeye kunganya mu minota ya nyuma ku mupira yahawe na Pascal Gross, anyeganyeza inshundura yonyine imbere ya Inaki Pena.
Ariko Ferran Torres yongeye gutsinda mu munota wa 85, atera umupira mu nguni yo hasi, atsindira Barcelona intsinzi y’ingenzi. Uyu musaruro ushimangira amahirwe yo kurenga imikino ya kimwe cya kabiri cy’irangiza no kubona itike yo mu mikino ya 1/8.
