THIERRY Mugiraneza
Ishyirahamwe ry’umupira w’amaguru mu Bwongereza (FA) ryatangaje ko ryasabye abasifuzi kujya bahagarika umukino abakinnyi b’abasiramu bagafata ifunguro mu gihe cy’igisibo cy’ukwezi kwa Ramadan.
Nk’uko bisanzwe mu bayoboke b’idini ya Isilamu ku Isi yose ko bagira igihe cy’ukwezi gutagatifu kwa Ramadan. Uko kwezi kurangwa n’ibikorwa byiza ndetse no kwiyiriza ntibafate amafunguro izuba zitararenga.
Ku bakinnyi bakina umupira w’amaguru b’abasiramu nabo bazaba bategetswe kubahiriza icyo gihe cya Ramadan.
Niyo mpamvu Ishyirahamwe ry’umupira w’amaguru mu Bwongereza yatangaje ko ryasabye abasifuzi bazasifura umukino wakinwe n’abakinnyi b’abasiramu ko bazajya bahagarika umukino kugira ngo abo bakinnyi babashe kujya gufata utwo kurya tworoheje babone gukomeza umukino, ariko Ibi bikajya bikorwa amasaha yo gusiburuka ageze
Ibi sibwo bwa mbere FA ibikoze kuko Premier League ni imwe muri shampiyona zikinwamo n’sbasiramu benshi kandi bo mu makipe atandukanye barimo : Mohamed Salah, Kante , Riyad Mahrez, Granit Xhaka , Thomas Partey , Hakim Ziyech n’abandi.
