THIERRY Mugiraneza
Ishyirahamwe ry’umupira w’amaguru mu Bwongereza, ryatangaje umwanzuro wayo ku kibazo cyabaye ubwo myugariro wa Liverpool, Andrew Robertson yakubitwaga inkokora n’umusifuzi.
Mu ijoro ryo ku Cyumweru ubwo habaga umukino wa shampiyona ugahuza Liverpool na Arsenal, ukarangira amakipe yombi anganyije ibitego bibiri kuri bibiri.
Muri uwo mukino ubwo abakinnyi bari bagiye mu karuhuko nibwo umusifuzi w’igitambaro witwa Constantine Hatzidakis yagaragaye akubita inkokora Andrew Robertson wa Liverpool.
Nyuma y’uko ayo mashusho akomeje gusakara , ishyirahamwe ry’abasifuzi mu Bwongereza ryahise rihagarika Constantine ndetse FA isabwa kuzakurikirana uwo musifuzi.
FA y’u Bwongereza yamaze gutangaza ko nta bindi bihano izafatira uyu musifuzi ndetse ko bakoze iperereza bagasanga adakwiriye kuzakurikiranwa.
