THIERRY Mugiraneza
Ishyirahamwe ry’umupira w’amaguru mu Bwongereza ( FA) ryatangaje ko ryahannye ikipe ya Liverpool na Everton kubera imyitwarire mibi abakinnyo bayo bagaragaje mu mukino wahuje aya makipe abarizwa i Merseyside.
Kuwa Mbere w’icyi cyumweru nibwo habaye umukino w’amakipe y’amakeba abarizwa i Merseyside, uyu mukino wari wahuje Liverpool na Everton ukarangira Liverpool itsinze ibitego bibiri ku busa bwa Everton.
Muri uwo mukino ku munota wa 86 habaye akavuyo mu kibuga katejwe na Andy Robertson na Jordan Pickford ubwo Robertson yashotaga umupira kandi basifuye bigatuma Pickford aza akamusunika.
Ibyo bimaze kuba byatumye n’abakinnyi bari ku ntebe y’abasimbura barimo Virgil van Djik na Conor Coady afantije na Andre Onana n’abo baza mu kibuga gushondana. Ugushwana kwabo kwatumye Robertson na Jordan Pickford bahabwa amakarita y’umuhondo.
Ku munsi w’ejo nibwo FA yasohoye itangazo ivuga ko yahannye Liverpool na Everton kubera kutabasha guturisha abakinnyi bazo baba ababanje mu kibuga ndetse n’abari ku ntebe y’abasimbura, gusa FA yavuze ko izi kipe zombi zimerewe kujurira bitarenze kuwa mbere.
