THIERRY Mugiraneza
Ishyirahamwe ry’umupira w’amaguru mu Bwongereza ( FA) ryaciye amande Manchester City na Arsenal zizira amakosa abakinnyi bayo bakoze mu mukino wazihuje muri Gashyantare rwagati.
Kuwa gatatu cyashize hari ku itariki 15 Gashyantare nibwo ikipe ya Arsenal yahuraga na Manchester City mu mukino w’ikirarane wa Premier League utari warakiniwe igihe.
Manchester City yatsinze Arsenal ibitego bitatu kuri kimwe ibitego bya Manchester City byatsinzwe na Kevin Debruyne, Jack Grealish na Haaland mu gihe Arsenal yo yatsindiwe na Bukayo Saka.
Muri uwo mukino watumye Arsenal itakaza umwanya wa mbere ku rutonde rwa Shampiyona nubwo yaje kuwusubiraho. Niho abakinnyi ba Arsenal na Manchester City bagiye basagarira umusufuzi Antony Taylor kubera kutishimira imyanzuro ye.
Nyuma y’umo mukino akanama gashinzwe imyitwarire muri FA karicaye gasesengura raporo ya Antony Taylor, maze kanzura ko Manchester City yaciwe amande angana n’ibihumbi 75 by’amayero kubera ibikorwa abakinnyi bayo bakoze ku munota wa 42 na 64 bazenguruka umusifuzi.
Ikipe ya Arsenal yo yaciwe amande angana n’amapawundi ibihumbi 65 kubera kunanirwa kugenzura abakinnyi babo bigatuma basagarira umusifuzi ku munota wa 56′, hiyongeraho andi ibihumbi 20 yo ku mukino batsinzemo Oxford United muri FA Cup tariki 09 Mutarama 20.
