THIERRY Mugiraneza
Erling Braut Haaland, rutahizamu w’ikipe y’igihugu ya Noruvuje ( Norway) ntikitabiriye imikino yayo kubera imvune.
Kuri ubu abakinnyi benshi bari mu makipe atandukanye y’ibihugu byabo mu kwitegura imikino y’ibihugu. Gusa hari abakinnyi batari guhirwa kubera ibibazo by’imvune bari kugira.
Kuri ubu rutahizamu w’ikipe y’igihugu ya Noruvuje , Erling Braut Haaland nawe yamaze kuva mu bakinnyi iyi kipe izifashisha mu mikino izakina na Espagne na Georgia mu gushaka itike y’igikombe cy’ Uburayi 2024.
Muganga w’ikipe y’igihugu ya Noruvuje yavuze ko Haaland yagize ikibazo cy’imvune mu mukino wahuje Manchester City na Burnley muri ¼ cya FA Cup.
Haaland umeze neza kuko ubu amaze gutsindira Manchester City ibitego 42 mu mikino 37 gusa, Haaland kandi amaze gutsindira ikipe ye y’igihugu ibitego 21 mu mikino 23.
