HARAGIRIMANA Dieudonne
Tottenham Hotspur yari iri mu migambi ikomeye yo kwegukana umukinnyi wa Manchester United ariwe Marcus Rashford.
Uyu musore w’imyaka 24 yagize ibyago byo kugira season mbi mu gihe yabashije gutsinda ibitego bine gusa ndetse n’indi mipira yatanze yavuyemo ibitego.
Mu gihe uyu mukinnyi yari asigaranye umwaka umwe ku masezerano, Tottenham Hotspur yashatse ku mugura gusa Manchester United ikaba idafite umugambi wo kumurekura.
Nubwo Tottenham Hotspur yamushatse, Rashford yatangaje ko ashaka kurwanira umwanya, bikaba ariho byahereye Erik Ten Hag atangazako nta mugambi wo kumurekura afite.
Erik Ten Hag yatangaje ko nta mugambi wo kumurekura afite ko ahubwo ategereje kumwubakiraho ikipe ikomeye mu minsi iri imbere.
