THIERRY Mugiraneza
Manchester United yatsinze Leicester City ibitego bitatu ku busa mu mukino w’umunsi wa 24 muri shampiyona y’ikiciro cya mbere mu Bwongereza.
Manchester United yaje gukina umukino ibizi neza ko Newcastle United yayikurikiraga ku rutonde rwa shampiyona yaraye itsinzwe ndetse na Manchester City ya kabiri yaraye inganyije.
Manchester United yari murugo yabanje mu kibuga De Gea; Dalot, Lindelöf, Martínez, Shaw; Sabitzer, Fred, Bruno Fernandes; Garnacho, Weghorst na Rashford.
Manchester United niyo yabonye igitego mbere gitsinzwe na Marcus Rashford ku munota wa 25 nyuma y’uko Wout Faes yari yihereye umupira Marcel Sabitzer maze nawe akawuha Bruno , Bruno Fernandes kwa Rashford nawe agashyira mu izamu.
Brendan Rodgers yari yaje Old Trafford abanza mu kibuga Ward, Castagne, Souttar, Faes, Kristiansen; Mendy, Dewsbury-Hall, Maddison; Tete, Iheanacho na Barnes.
Igice cya Mbere cyashojwe na kufura Manchester United yabonye iturutse ku ikosa Wout Faes wa Leicester City yakoreye Bruno Fernandes agabwa n’ikarita y’umuhondo. Iyo kufura Luke Shaw yayiteye ashaka kuboneza mu izamu ariko umupira uca hejuru.
Amakipe ajya kuruhuka ari igitego kimwe cya Manchester United ku busa bwa Leicester City.
Mu gice cya kabiri Manchester United yaje yisize insenda maze ku munota wa 52 Marcus Rashford atsinda igitego ahawe umupira na Fred.
Hadaciye kabiri ku munota wa 60 Jadon Sancho atsinda igitego kindi ahawe umupira na Bruno Fernandes.
Umukino urangira Manchester United itsinze ibitego bitatu ku busa inaguma ku mwanya wa gatatu ku rutonde rw’agateganyo rwa shampiyona n’amanota 49.
