THIERRY Mugiraneza
Ikipe ya Manchester City yatsinze Arsenal ibitego bitatu kuri kimwe mu mukino w’ikirarane wa Premier League wari kuba warakinwe kera ariko kubera urupfu rw’umwamikazi ntukinwe.
Arsenal yaje gukina uyu mukino iri ku gitutu gikomeye cyane kuko yaherukaga gutakaza imikino ibiri yose yabanje ndetse ikaba yari yatangiwe gusatirwa na Manchester City.
Ku rundi ruhande City nayo yaje gahunda ari ugutsinda kugira ngo isatire Arsenal ku mwanya wa mbere.
Mikel Ariteta wari mu rugo kuri Emirates Stadium yari yabanje mu kibuga Ramsdale, Tomiyasu, Saliba, Gabriel, Zinchenko; Xhaka, Jorginho; Saka, Odegaard, Martinelli na Nketiah.
Manchester City niyo yatangiye umukino neza , ku munota wa 24 Kevin de Bruyne yatsinze Igitego cya mbere ku mupira wari utakajwe na Tomiyasu maze De Bruyne awufashe aterera ishoti kure umupira uragenda ungwa mu ncundura.
Pep Guardiola we yari yabanje mu kibuga abakinnyi nka Ederson, Walker, Aké, Dias; Bernardo Silva, Rodri, Gündogan, De Bruyne; Mahrez, Haaland na Grealish.
Manchester City ñyuma yo gutsinda Igitego abakinnyi bayo batangiye gukora ibikorwa byo gutinza umukino kuki byibuze abakinnyi bayo barimo Bernardo Silva, Kyle Walker na Ederson Moraes bahawe amakita y’umuhondo mu gice cya mbere.
Ku munota wa 42, Arsenal yatsinze igitego kuri penariti yabonetse ubwo umuzamu wa Manchester City yagongaga Eddie Nketiah mu rubuga rw’amahina. Umusifuzi atanga penaliti maze Bukayo Saka ayitera ruguru umuzamu ajya hepfo.
Igice cya mbere kirangira ari igitego kimwe kuri kimwe.
Igice cya kabiri cyiharwe Manchester City cyane kuko ku munota wa 57 Gabriel yafundaguranye na Haaland bose bakwagana mu rubuga rw’amahina, umusifuzi agatanga penariti ariko VAR ikamuhamagara akaza kuyikuraho.
Manchester City itacitae intege yaje kubona igitego cya kabiri ku munota wa 72 gitsinzwe na Jack Grealish ahawe umupira na Ilkay Gundogan.
Manchester City yamanuye inzovu byanyabyo ku munota wa 82 ubwo Haaland yatsindaga igitego cya gatatu ahawe umupira na De Bruyne.
Umukino urangira ari ibitego bitatu bya Manchester City kuri kimwe cya Arsenal. Manchester City ihita ifata umwanya wa mbere ku rutonde rw’agateganyo n’amanota 51 inganya na Arsenal ariko City ikaba izigamye ibitego 36 mu gihe Arsenal ari ibitego 26 izigamye.
