THIERRY Mugiraneza
Ikipe ya Chelsea yanganyije na West Ham United igitego kimwe kuri kimwe mu mukino w’umunsi wa 23 wa shampiyona y’ikiciro cya mbere mu Bwongereza.
Uyu mukino watangiye saa munani n’igice kuri uyu wa Gatandatu ubera London Stadium ku kibuga cy’ikipe ya West Ham.
Amakipe yombi yagiye gukina ashaka amanota atatu ku kibi n’ikiza kuko yose yari yananiwe gutsinda imikino ya Premier League yari yabanje, West Ham yari yanganyije na Newcastle United mu gihe Chelsea nayo yari yanganyije na Fulham.
David Moyez utoza West Ham yari yabanje mu kibuga abakinnyi nka Fabianski,Kehrer, Ogbonna, Aguerd; Coufal, Lucas Paquetá, Rice, Emerson; Bowen, Benrahma na Antonio.
Umukino watangiye West Ham igira ibyago byo kuvunikisha Lucas Paquet wavunitse ku munota wa 14 agahita ava mu kibuga hakinjiramo Tomas Soucek.
Chelsea yahise ifatirana abasore ba West Ham United bari bamaze gutakaza Paquet maze ku munota wa 16 Joao Felix waruvuye mu bihano by’ikarita y’umutuku , atsinda igitego ahawe umupira na Enzo Fernández.
Graham Potter utoza Chelsea warufite abakinnyi yari yagaruye yari yahise kubanza mu kibuga Arrizabalaga,James, Thiago Silva, Badiashile, Cucurella; Loftus-Cheek, Fernández; Madueke, João Félix, Mudryk; Havertz.
West Ham nayo nk’ikipe ikunda kwihagararaho mu rugo , ku munota wa 28 yatsinze igitego cya mbere cyatsinzwe na Emerson Palmeira ahawe umupira na Jarrod Bowen.
Igice cya mbere amakipe yombi ajya kuruhuka anganya igitego kimwe kuri kimwe.
Igice cya kabiri abatoza ku mpande zombi bagerageje gukora impinduka ngo hagire ibona insinzi. West Ham yakuyemo Said Benharm na Michail Antonio hinjira mu kibuga Flynn Dowens na Danny Ings ku munota wa 67.
Graham Potter n’abajyanama be ku munota wa 67 binjije mu kibuga Ben Chilweel, Hakim Ziyech na Mason Mount hasohoka Marc Cucurella, Mykhaylo Mudryk na Noni Madueke.
Umukino urangira Chelsea inganyije na West Ham United igitego kimwe Kuri kimwe. Chelsea ihita ifata umwanya wa 9 n’amanota 31 ku rutonde rw’agateganyo, West Ham yo ifata umwanya wa 15 n’amanota 20.
