Emery Bayisenge yasinyiye imwe mu makipe abica bigacika muri Kenya 

Myugariro Bayisenge Emery, yamaze kumvikana n’ikipe ya Gor Mahia yo muri Kenya mu gihe cy’umwaka n’igice.

Uyu mukinnyi yaherukaga muri Saif Sporting Club yo muri Bangladesh yagezemo mu 2019, bakaza gutandukana kubera ko iyi kipe yashegeshwe na Covid-19.

Uyu musore wari umaze igihe nta kipe afite, mu isoko ryo muri Mutarama yavuzwe mu makipe menshi yo mu Rwanda ariko risozwa ntayo yerekejemo.

Gor Mahia ni ikipe y’ubukombe muri Kenya kuko niyo ibitse ibikombe byinshi bya shampiyona (19) ndetse n’iby’Igihugu yegukanye inshuro 11.

Bayisenge Emery asanzwe ari umwe muri ba myugariro bakomeye mu Rwanda, aho yakiniye Isonga FC mbere yo kujya muri APR FC yamazemo imyaka itanu kugeza mu 2016.