Kubwayo Mc croix
Kuri uyu wa Gatandatu, umuhanzi Ed Sheeran, ufite imigabane muri Ipswich Town, yitabiriye umukino wa mbere w’iyi kipe muri Premier League nyuma y’imyaka 22 atagaragara muri iri rushanwa. Sheeran, umaze igihe kinini ari umufana w’iyi kipe, yavuze ko ashimishijwe no kuba umwe mu banyamigabane b’iyi kipe yakuriye akunda.
Uyu mukino uri kubera kuri Stade ya Portman Road kandi w’itabiriwe n’abafana benshi baje gushyigikira ikipe yabo ikina na Liverpool, imwe mu makipe akomeye mu Bwongereza. Sheeran, wabaye umuterankunga w’amakipe y’abagabo n’abagore ya Ipswich kuva mu 2021, yagaragaje akanyamuneza ke muri iyi mikino.
Yagize ati: “Biranejeje cyane kuba ndi umufana wa Ipswich Town. Hari ibihe byiza n’ibigoye, ariko umupira w’amaguru ni ukwemera ibihe byose byiza n’ibibi.”
Uyu mukino ni uw’ingenzi kuri Ipswich Town, ikaba ishaka gukora amateka mu kugaruka kwayo muri Premier League
