HARAGIRIMANA Dieudonne
Nk’uko twabibatangarije mu nkuru yacu iheruka ko umutoza Antonio Conte n’ubuyobozi bw’ikipe ya Chelsea bari bazanye ubwumvikane bucye,kuri ubu ikibazo gishobora kuba cyarakomeye kuko ikipe ya The Blues yatangiye gushaka umutoza umusimbura.
Umutoza Luis Enrique wahoze utoza ikipe ya FC Barcelone akaba ari umwe mu baje imbere mu bashobora gusimbura uwo umutaliyani utari wuzuza n’umwaka umwe muri iyi kipe ya Chelsea wayihesheje igikombe cya Premier League nk’uko bitangazwa n’ikinyamakuru Sky sports.
Ubuyobozi bw’iyi kipe n’uyu mutoza baba barapfuye ubutumwa bugufi yohereje Diego Costa amusezerera muri iyi kipe kandi akaba ari no gusaba ibintu byinshi harimo no kuba yavugana n’umuherwe Roman Abromovitch nta wundi muntu bibanje kunyuraho.Icyo bapfuye ariko ahanini nuko yifuje umusore Romelu Lukaku kuri miliyoni 90 ariko Chelsea ikanga kuyatanga.
