Dore uko byagenze kugira ngo Radiyo na Tereviziyo zicurangire rimwe indirimbo za Yvan Buravan

Amwe mu maradio na televiziyo zikorera mu Rwanda, zacurangiye rimwe indirimbo za Yvan Buravan witabye Imana mu rwego rwo kumuha icyubahiro.

Umuhanzi Burabyo Yvan benshi bamenye nka Yvan Buravan, yitabye Imana mu rukerera rwo kuri uyu wa 17 Kanama 2022.

Amakuru y’urupfu rwe akigera hanze, bamwe mu bakoresha urubuga rwa Twitter basabye ko uyu muhanzi yahabwa icyubahiro binyuze mu maradiyi na Tereviziyo zikorera mu Rwanda, aho bari kucyimuha bacuranga indirimbo ze icyarimwe.

Nkuko bari babisabwe, saa sita zageze nuko maze amaradiyi na Tereviziyo bitangira gucuranga zimwe mu ndirimbo z’iyu muhanzi mu rwego rwo kumuha icyubahiro.

Yvan Buravan yitabye Imana mu rukerera rwo kuri uyu wa 17 Kanama 2022 azize kanseri y’urwagashya yari amaze igihe ahanganye nayo.