Umufaransa Paul Labille Pogba ukinira ikipe ya Manchester United kuri ubu ntago yishimiwe na gato naho yahoze akinira bitewe nuko yagambaniye bagenzi bose ku mugambi bari bahuje muri saison ishize.
Abakinnyi b’ikipe ya Juventus ubwo bavaga muri Championsleague bakuwemo na Bayern Munich byarababaje cyane ariko bahita bafata umugambi wo kuzayitwara muri ino saison gusa ikizabibashoboza akaba ari uko bagumana iyi saison ya 2016/2017 bakazavamo muri ino kipe bayihaye iki gikombe iheruka kera,gusa kuri ubu ibyo biyemeje byabaye nk’ibijemo agatotsi kuko mugenzi wabo wanabafashaga cyane uyu Paul Pogba yabavuyemo akigira mu bwongereza bityo umugambi wabo bakaba bashidikanya ko bazawugeraho gusa bakaba baragaye uyu musore bikomeye ko abagambaniye ariko bakaba bariyemeje kuzarwana uru rugamba kugeza ku munota wanyuma.
