Kubwayo Mc croix
mu nama yabaye mu minsi ishize yagarukaga ku ngingo 3 z’ingenzi aho hagarutswe ku bikorwa byagezweho n’ibiri guteganywa mu gihe kiri imbere. Kuri iyi ngingo inama ya Rwanda Premier League yanzuye ko kubera n’ubundi iyi shampiyona yatangiye itegurwa n’ishyirahamwe ry’umupira w’amaguru mu Rwanda, FERWAFA n’ubundi ariyo izatanga ibihembo isanzwe itanga ku makipe bitewe n’uko yitwaye muri shampiyona, ahubwo Rwanda Premier League yo bitewe n’ubushobozi izaba imaze kugeraho icyo gihe ikazahemba buri kipe bitewe n’uko yitwaye, ibi bihembo bya Rwanda Premier League bikazaza byiyongera n’ubundi kubyo FERWAFA izaba yaratanze.
Biteganywa ko buri kipe ikina ikiciro cya mbere mu Rwanda izagira icyo ibona bitewe n’uko yitwaye shampiyona irangiye.
Mu kwibutsa abaturarwanda icyo iyi League imaze, ni ukugerageza kongerera ubushobozi amakipe yo mu Rwanda
Ingingo yagarutsweho y’indi ni ibijyanye no kwamamaza ku bibuga; amakipe yamenyeshejwe ibyapa yemerewe n’uko bizajya bishyirwa ku bibuga.
Ikipe izajya iba yakiriye n’abaterankunga b’irushanwa bazajya bagabana ibyapa bizajya bishyirwa ku kibuga. Mu mibare, umuterankunga mukuru wa shampayona azajya aba yemerewe ibyapa 12 ku kibuga, uwaguze uburenganzira bwo kwerekana amashusho yemerewe ibyapa 10 ku kibuga, ikipe yakiriye izajya yemererwa ibyapa 8 ku kibuga, hanyuma FERWAFA, League n’abandi baterankunga bishyize hamwe bagomba kutarenza ibyapa 12 ku kibuga.
