Epaphrodite Nsengimana
Nyuma y’iminsi mike Cristiano Ronaldo yinjiye muri Al-Nassr, ibitangazamakuru bivuga ko mukeba wa Al Nassr ya Cristiano ariyo Al Hilal ishaka kugura Lionel Messi.
Bivugwa ko Lionel Messi yakiriye icyifuzo cyo kugurwa n’ikipe ya Al-Hilal Club, ihora ihanganye cyane na Al-Nasser FC, yaguze Ronaldo.
Ikinyamakuru cyo mu Butaliyani Calcio Meracto cyatangaje ko iyi kipe yo muri Arabiya Sawudite yiteguye gutanga umurundo w’ibifaranga miliyoni 300 ku mwaka iziha Lionel Messi agahita arusha Cristiano miliyoni 100 zose kuko we Al Nassr imuha miliyoni 200 ku mwaka.
Amakuru avuga ko ubwo Cristiano yageraga muri Al Nasser, Al Hilal Club nayo yasohoye umwenda wanditseho izina rya Lionel Messi.
Hakomeje kwibazwa niba Lionel Messi azareka ayo mafaranga akigumira i Burayi, ibi kandi biri guterwamo inkunga n’igihugu cya Arabia Saudite kugira ngo aba bakinnyi bombi Messi na Cristiano baramutse bari gukinira muri iki gihugu byatuma umupira waho umenyekana cyane bukabafasha kuzakira igikombe cy’isi cya 2030.
