Epaphrodite Nsengimana
Mu kwizihiza umunsi mpuzamahanga wahariwe abakene, wizihizwa ku nshuro ya gatandatu, ku cyumweru tariki ya 13 Ugushyingo 2022, Kiliziya Gatolika yizihizaga umunsi wa 6 w’abakene nyakujya. Papa Francisco yagaragaye asangira ifunguro n’abakene batuye i Roma, mu rwego rwo kwisanisha nabo.
Uyu munsi washyizweho na Papa Fransisiko mu mpera z’umwaka w’Impuhwe, “kugira ngo ku isi hose imiryango y’Abakristu ishobore kuba ikimenyetso gikomeye cy’urukundo rwa Kristo”.
Mu butumwa yagejeje kubari muri owo munsi mpuzamahanga w’uyu mwaka w’abakene, Papa Francis yavuze ko nta mukiristo usonewe gufasha abafite amikoro make kuturusha.
Ikintu kibi cyane gishobora kubaho ku muryango wa gikirisitu ni “ukayoborwa n’ikigirwamana cy’ubutunzi, bikarangira biduhambiriye ku cyerekezo giteye ubwoba kandi gihomba ubuzima”. Icyangombwa ni ukuzamurana amaboko no gushyira kwizera kwacu mu bikorwa binyuze mu buryo butaziguye, budashobora gutangwa. ”
