Dore akavagari k’ibyaha Jowest akurikiranweho

Urwego rw’Igihugu rw’Ubugenzacyaha (RIB), rwemeje ko umuhanzi Giribambe Josue uzwi nka Jowest yatawe muri yombi akurikiranyweho ibyaha birimo gukoresha undi imibonano mpuzabitsina ku gahato, gukubita no gukomeretsa ku bushake.

Inkuru y’itabwa muri yombi rya Jowest yamenyekanye ejo hashize aho aya makuru yamejwe na Kompanyi ya IT Entertainment ireberera inyungu ze mu itangazo yasohoye ivuga ko ari ubugambanyi yakorewe.

Mu kiganiro yagiranye n’ikinyamakuru ISIMBI dukesha iyi nkuru umuvugizi wa RIB, Dr Murangira B. Thierry yavuze ko uyu muhanzi afunzwe ndetse na dosiye yamaze kugezwa mu Bushinjacyaha ndetse ko ishobora kuba yaragejejwe no mu Rukiko.