Diamond Platnumz yashenguwe n’urupfu rwa Costa Titch bakoranye indirimbo -AMAFOTO

Umuhanzi ukomoka muri Afurika y’Epfo Costa Titch yitabye Imana, nyuma yo kugwa ku rubyiniro mu gitaramo yaririmbagamo i Johanesburg.

Amashusho yashyizwe hanze agaragaza Costa Titch ari kuririmba yizihiwe, akikubita hasi.

Mu gihe bamweguraga yakomeje kuririmba, nyuma y’amasegonda make noneho ahanuka ku rubyiniro. Nyuma y’iminota mike aguye, uyu musore byaje kwemezwa ko yashizemo umwuka.

Diamond Platnumz nk’umuhanzi bakoranye indirimbo yababajwe n’urupfu rw’uyu musore, abinyujije kurukuta rwe rwa Instagram yashyizeho ifoto y’uyu musore mare arenzaho n’utumenyetso tugaragaza agahinda yagize.

Sibyo gusa Diamond yahise ajya aho bashyira ifoto igaragaraza urubuga hazwi nka (Profile) ashyiraho ifoto y’uyu musore.