Cristiano Ronaldo yoherereje ubufasha abashegeshwe n’umutingito wibasiye Turkey na Syria

Cristiano Ronaldo, umunya-Portugal ukinira ikipe ya Al Nassr muri Arabia Saudite yohereje indenge irimo ibikoresho by’ubutabazi ku bantu bashegeshwe n’umutingito wibasiye Turkey na Syria.

Ukwezi kugiye kuzura ibihugu bya Turkey na Syria byibasiwe n’umutingito ukomeye cyane wari ku kigero cy’ubukana buremerere cyane.
Uwo mutingito umaze guhitana abantu barenga ibihumbi 50, ugasiga abasaga Miliyoni 5 ntaho bafite bakinga umusaya.

Abantu benshi bagiye batanga ubufasha butandukanye bwo gufasha kubaho abasigaye ntacyo bafite.
Cristiano Ronaldo usanzwe uzwiho ibikorwa byo gufasha , yohereje indege irimo amahema, ibiryo n’amata by’abana, ibiryamirwa n’ibindi bikenerwa mu buzima bwa buri munsi.