THIERRY Mugiraneza
Cristiano Ronaldo uherutse kujya gukina mu ikipe ya Al Nassr mu gihugu cya Arabia Saudite aracyafite amahirwe yo kuzakina EUFA Champions League.
Kuwa gatanu w’icyumweru gishize nibwo ikipe ya Al Nassr yatangaje ku mugaragaro ko yasinyishije Cristiano Ronaldo amasezerano y’imyaka ibiri.
Ñyuma y’uko Ronaldo agiye gukina muri Arabia Saudite abafana be barihebye batekereza ko batazongera kubona uyu mugabi akina ruhago kuko Championa agiye gukina idaca kuri za televiziyo mpuzamahanga. Gusa nubwo Ronaldo yagiye gukina muri Aziya haracyari amahirwe ko yazongera agakina Eufa Champions League, amakuru dukesha ikinyamakuru Marca aravuga ko mu masezerano ya Cristiano Ronaldo afitanye na Al Nassr harimo ingingo ivuga ko Ronaldo ashobora kuzatizwa mu ikipe ya Newcastle United igihe yaba ibonye itike yo gukina imikino ya Champions League.
Newcastle United ni ikipe ikina Premier league ikaba iherutse kugurwa n’abakire ba Arabia Saudite barangajwe imbere na Bin Salman , Newcastle United kubera akavagari k’amafaranga bayishoyemo ifite amahirwe yo kuzakina Champions league bitewe n’uko ubu iza ku mwanya wa gatatu muri Premier League.
