Moïse Habanabashaka
Coach Gael ureberera inyungu za Bruce Melodie nyuma yo gutukwa no kwibasirwa byatumye afata umwanzuro ukomeye.
Mu busanzwe Coach Gael akunze kugaragara asobanura bimwe mu bibazo abantu bakunze kugira muri Business nuko bimwe byakemuka, ndetse agatanga n’inama zagira aho zigukura naho zikugeza.
Mu busanzwe Coach Gael yari amenyereye gukorera bimwe muri ibi biganiro bigufi kuri konti ya Instagram ye gusa muri iyi minsi yari yaratangiye no gukoresha Twitter, gusa uru rubuga ntirwamuhiriye kuko nyuma yibyo yanditse yaratutswe.
Byatangijwe n’amagambo yatangaje afasha abantu kuva mu kiciro kimwe bajya mu kindi yagize ati “Abo ugendana nabo, ibitabo usoma nibyo bizashyiraho itandukaniro, utagize Icyo ubikoraho, uzakomeza kuba uwo uri we mu myaka itanu iri imbere. Ntabwo wategereza kubona impinduka mu buzima bwawe, udahinduye amahitamo.”
Nyuma yo kwandika ibi hari benshi bitashimishije ndetse bamubwira amwe mu magambo mabi.
Gusa akimara kubona ibi byose yabwiwe yahise afata umwanzuro wo kuva kuri Twitter agasubira gukoresha Instagram nk’uko byari bisanzwe.
