Casemiro yemerewe kujya gukora ikizamini cy’ubuzima muri Manchester United

 

Real Madrid yahaye uburenganzira Casemiro kujya gukora ikizamini cy’ubuzima mu ikipe ya Manchester United yo mu Bwongereza nkuko bitangazwa na Marca yandikirwa muri Espagne.

Manchester United yiteguye gutanga miliyoni 60 z’amapawundi kuri uyu musore ukina mu kibuga hagati mu ikipe ya Real Madrid.

Mu mpera z’iki cyumweru nibwo uyu musore araza gusinya muri Manchester United, bikaba bitenyijwe ko araza gusinya amasezerano y’imyaka ine yongerwa.

Muri iki cyumweru kandi uyu musore araza gukora ikizamini cy’ubuzima muri iyi kipe ya Manchester United itamerewe neza muri iyi minsi.

Casemiro yari asigaje imyaka itatu ku masezerano yagiranye na Real Madrid, we akaba ashaka kujya kugerageza ahandi hatari muri Espagne. Bikaba bivugwa ko Aurelien Tchouameni waguzwe  muri Monaco ari we utumye agenda.