Byo biragoye kubyiyumvisha, dore amasutiye ndetse n’amakariso bihenze kurusha indege(reba igiciro gihanitse bigurwa)

Byo biragoye kubyiyumvisha, dore amasutiye ndetse n’amakariso bihenze kurusha indege(reba igiciro gihanitse bigurwa)

Bitewe n’inzu y’imideli yayikoze cyangwa uruganda igenda igira ibiciro bitandukanye ku buryo usanga hari igura akayabo, ihenze kurenza n’inzu z’akarataboneka.

Susan Rosen Diamond Bikini

Susan Rosen Diamond Bikini yakozwe na Susan Rosen mu 2012. Iyi ni ikariso n’isutiye bikozwe n’uduce 150 twa zahabu ari byo byatumye ihenda cyane kuko igura miliyoni 30$, asaga milayari 30 Frw.

The Gold Lingerie Set

Iyi ni imyambaro igizwe n’ikariso n’isutiye bikozwe mu magarama 950 ya zahabu, Ifite agaciro ka miliyoni 26$, ubwo ni asaga miliyari 26 Frw, iyi myambaro y’imbere yakorewe mu Bushinwa.

Red Hot Fantasy Bra and Panties

Red Hot Fantasy Bra and Panties igizwe n’ikariso n’isutiye bitukura bitatswe n’amabuye yo mu bwoko bwa ‘gemstgones’ 1300 akoreshwa mu gutaka ibintu bitandukanye. Ifite agaciro ka miliyoni 15$, akabakaba miliyari 15 Frw.

The Heavenly Star Bra

Iyi ni isutiye yakozwe na Victoria’s Secret mu 2001. yarimbishijwe amabuye 1200 yo mu bwoko bwa ‘Sri Lankan pink sapphires’, ifite agaciro ka miliyoni 12.5$, miliyari 13 Frw.

Very Sexy Fantasy Bra

Very Sexy Fantasy Bra igizwe n’ikariso n’isutiye yakozwe na Mauwad yerekanirwa mu birori bya Victoria’s Secret mu 2003. Muri uwo mwaka yashyizwe mu gitabo cy’uduhigo ‘Guinness de Records’ nk’iyari ihenze cyane.

Ikozwe mu mabuye atandukanye akorwamo imitako na zahabu, ifite agaciro ka miliyoni 11$, akabakaba miliyari 11 Frw.

Kugeza magingo aya iyi niyo myenda y’imbere y’abagore ihenze kurusha indi nk’uko bygiye bigaragazwa.