M.Ben
I Nyanza, Birakekwa ko umugabo wari umwarimu yishe umugore we, na we agahita yiyahura.
Aba nyakwigendera basize umwana uri mu kigero cy’imyaka ibiri, aho yasanzwe mu nzu arira, hafi ye hari imirambo y’ababyeyi be.
Urwego rw’Igihugu rw’Ubugenzacyaha (RIB) rwabashije kwinjira ahari imirambo bisabye kwica urugi.
Amarira, intimba nibyo byari ku baturage batuye mu mudugudu wa Karambo A, mu kagari ka Gishike mu murenge wa Rwabicuma mu karere ka Nyanza.
Uwishe umugore we ni Janvier Dusabeyezu w’imyaka 28 yakoreraga mu karere ka Rusizi, mu Burengerazuba bw’u Rwanda akazi k’ubwarimu, bikekwa ko yaba yishe Mutuyimana Clarisse w’imyaka 22 wakoraga ubucuruzi buciriritse bwa cantine.
Inzego z’ubuyobozi zivuga ko RIB yabimenye ikaba yatangiye iperereza.
Ntazinda Erasme ayobora akarere ka Nyanza yabwiye UMUSEKE dukesha iyi nkuru ko aya makuru bayamenye.
