Epaphrodite Nsengimana
Umunyarwenya uhagaze neza kuri ubu, Patrick Rusine, nyuma yo gukora igitaramo cyamwitiriwe “Inkuru ya Rusine” kikagenda neza, yatangaje ko atanyuzwe ndetse ko ashaka ko kizongera kikabera muri Bk Arena aho kubera muri Camp Kigali nk’uko byari byagenze.
Uyu musore yavuze ko kandi inzozi ze ari uko icyo gitaramo kizerekanwa na kompanyi ya Netflix, yabaye ikirangirire muri sinema.
Abinyujije ku rukuta rwe rwa Instagram yagize ati “Umunsi umwe nzakora urwenya rudasanzwe “Inkuru ya Rusine”. muri Arena kandi icyo gitaramo kizerekanwa kuri Netflix”.
Kuwa 28 Kanama 2022 nibwo Patrick Rusine yakoze igitaramo cyiswe “Inkuru ya Rusine” kikitabirwa ku rwego rwo hejuru, iki gitaramo cyari cyateguwe na Arthur Nation iyoborwa na Nkusi Arthur.
